இந்த நடுகல் தனித்துவமாகத் தெரிகின்றது. குழந்தை முருகன் போன்று இங்கு இளம் வீரன் காட்டப்பட்டுள்ளான். மார்பின் சன்னவீரம் எனப்படும் வீரச்சங்கிலி அணிந்து,  வீரனுக்குரிய அரையாடை இடையில் கொண்டு, உச்சிக்கொண்டை தலையணியாக விளங்க, மேலே தூக்கிய இடது கையில் வேலினை ஓங்கியவாறும், வலது கையில் ஏதோ ஒன்றை பிடித்தவாறும் வலது புறம் இயக்க நிலையில் நிற்கிறான். குழவிப் பருவத்தில் வீரனாய் நிற்கும் இந்நிலை காண்கையில் குழவி இறப்பினும் ஊன் தடி பிறப்பினும் வாளால் அரிந்து புதைக்கும் தமிழரின் வீரமரபு புலனாகிறது.

         தருமபுரி மாவட்டம், பாகலஹள்ளி என்னும் ஊரில் அமைந்துள்ள வீரபத்திரர் கோயில் வாசலில் திறந்தவெளியில் உள்ள இந்த நடுகல் சிறுவனான ஒரு இளம் வீரனுக்கு எடுப்பிக்கப்பட்டதாகத் தெரிகின்றது.